Bose ni ba "have ndahasubire"

Je ne me rappelle plus de quel sujet l'on parlait avec les amis de mon réseau Facebook. Je sais seulement qu'à un moment donné une amie Facebook, une ancienne de la Genève internationale, m'a interpellé. Elle voulait savoir pourquoi je me fais silencieux ces temps-ci. Ce qui est vrai. Car je n'ai même pas parlé aux amis, comme je le devais, de ce PHF, le prix Paul Harris Fellow (1) qui m'a été généreusement décerné le 27 mai dernier par le Club Rotary International de Genève en même temps que 4 autres personnalités, toutes de la Cité de Calvin. (Détails : cliquez simplement sur ce lien https://www.facebook.com/joel.hakizimana/media_set?set=a.10152396774451539.1073741839.543606538&type=1. Mais quand cette amie-là m'a adressé un post, en réaction à la conversation qui était à l'ordre du jour, j'ai sauté de ma chaise et j'ai envoyé ces quelques lignes en kirundi, que j'ai simplement paraphrasée comme suit :

   

Mugenzi,

Nari ngize imisi mpoze, ntekereje, cane cane aho nsubiriye kwumva ingene Abatagetsi b'Uburundi basubiriye guterana amajambo na ONU. Ni vyo tumaze amezi abiri twumva mu ma radiyo be no mu mbonseshakure.

Ivyo mur'iyi ndwi vyo ni "kandanda"! Ca wibuka igihe nahora nkoma induru i Genève, nshamiranye na HCR ya Sadako Ogata, kubera ikibazo c'impunzi. Ca wibuka kandi ca gihe bariko baratoteza Palipehutu, bacira imanza z'ugupfa ba Antoine... na wa munya Rutegama w'iwacu, ata manza zaciwe ku mugaragaro.

Ndibuka ko n'aho hari ingorane nyinshi n'imitegao myinshi twaca mwo, ONU yaratevye iratwumvira. Yaratevye irahesha iteka ivyo twariko turasaba, n'aho bitabujije ko Remy Gahutu agandagurwa mu birigno n'ubu ata numwe aratomora.

Kandi noneho na Reta twari tuhanganye mur'irya misi yarahavuye irikubita agashi : n'igihe Buyoya yagondozwa akemera "multipartisme" kandi yahora yirirwa arungika intumwa kw'isi yose (ba Mbonimpa Cyprien na ba Bararunyeretse... ) ashaka ko Uprona yoguma ari umugambwe umwe rudende mu Burundi.

Kiriya gihe twarakomye induru turaruha; vyaragoranye kabisa...! Kuko hari n'aho vyashika tukihebura, cane cane kubera ba bandi barazwa ishinga n'ukuducamwo nk'uko bivugwa ubu, batumwe na "Porona" y'ico gihe.

Ariko twaratevye turumvirwa... Nibaza ko ar'uko ivyiyumviro vyacu vyari vyubakiye ku kuri : LA VERITE. Kandi twavuga ivyubaka. Ni co gituma kandi Reta y'ico gihe yahavuye yihanura. Uribuka ko vyatumye na ba Nzojibwami bacika kw'icumu muri 1991 bivuye ku ngingo rushingantahe ifashwe na Premier ministre w'ico gihe. Ivy'ubu rero bimbabaza kuko umengo nta jwi rija hagati...

Abadakenye mu mufuko bakenye ku mutima

Umengo nta kicamira. Ab'ubu mbona umengo bose ni ba HAVE NDAHASUBIRE; umengo bariko baca ingero. Bitana ibisambo kubera bose bakenye : abadakenye mu mufuko bakenye ku mutima; ntaco bacibanga.

N'abitavye Imana barubahuka bakabatoteza. Genda ubaze ivyashikiye Mwambutsa i Meyrin. Raba ibishikira imfuvyi za Ndadaye na Ntaryamira kandi barabaye abakuru b'Uburundi; raba ba Ndakazi n'abandi benshi nk'abo atawuramenya irengero ryabo. Narumiwe.

Nico gituma ubona URWARUKA Burundi bw'ejo rugeze ahatemba... Barya wumva bariko barasitana bavuga ngo bariko barafasha urwaruka, ntaco bashobora gushikako kigaragara, kubera abenshi baratinya kudoma urutoke kuri bwa bukene mpejeje kuvuga. Ayo matora wumva avugwa, sinzi ko azusanga tukiri bazima, sinzi n'uko azoba Kubera ubukene buri mu bigega vya Reta.

Iyo jewe rero ndi mu cuka kibi nk'ico, ijwi ryanje ndariziganya. NICO GITUMA WUMVA NTEKEREJE.

Gira ah'uba wubahwe.

(1) The Paul Harris Fellow (PHF) Distinctions are awarded by Rotary International to Rotarians and non-Rotarians in the frame of international actions supported by the Rotary Foundation, Evanston, Illinois. USA.

They are meant to stress contributions for a better world,  which Rotary suggested in 2013-14 under the leitmotiv :  "Engage Rotary, Change lives"